Android March 2026 Update: ಗೂಗಲ್ ಇತ್ತೀಚೆಗೆ ಬಿಡುಗಡೆ ಮಾಡಿದ ಆಂಡ್ರಾಯ್ಡ್ ಮಾರ್ಚ್ 2026 ರ ಸೆಕ್ಯುರಿಟಿ ಅಪ್ಡೇಟ್ ಪಿಕ್ಸೆಲ್ ಸ್ಮಾರ್ಟ್ಫೋನ್ ಬಳಕೆದಾರರಲ್ಲಿ ಭಾರಿ ಆತಂಕ ಮೂಡಿಸಿದೆ. ಈ ಅಪ್ಡೇಟ್ ಅನೇಕ ಹೊಸ ಫೀಚರ್ಗಳನ್ನು ತಂದಿದ್ದರೂ, ಅದರೊಂದಿಗೆ ಬಂದಿರುವ ಒಂದು ಸಣ್ಣ ‘ಬಗ್’ (Bug) ಈಗ ದೊಡ್ಡ ಚರ್ಚೆಗೆ ಕಾರಣವಾಗಿದೆ.
ಏನಿದು ಆಂಡ್ರಾಯ್ಡ್ ಆಟೋ ಸಮಸ್ಯೆ ?
ಸಾಮಾನ್ಯವಾಗಿ ನಾವು ನಮ್ಮ ಫೋನ್ ಅನ್ನು ಕಾರ್ಗೆ ವೈರ್ ಮೂಲಕ ಸಂಪರ್ಕಿಸಿದಾಗ Android Auto ತಾನಾಗಿಯೇ ಚಾಲೂ ಆಗುತ್ತದೆ. ಆದರೆ ಮಾರ್ಚ್ ಅಪ್ಡೇಟ್ ನಂತರ, ಪಿಕ್ಸೆಲ್ ಬಳಕೆದಾರರು ತಮ್ಮ ಫೋನ್ ಅನ್ನು ಕಾರ್ಗೆ ಪ್ಲಗ್ ಮಾಡಿದಾಗ ಅದು ನೇರವಾಗಿ ಕನೆಕ್ಟ್ ಆಗುತ್ತಿಲ್ಲ. ಬದಲಾಗಿ, ಪ್ರತಿ ಬಾರಿ ಫೋನ್ ಅನ್ನು ಅನ್ಲಾಕ್ ಮಾಡುವಂತೆ ಕೇಳುತ್ತಿದೆ. ಅನ್ಲಾಕ್ ಮಾಡದ ಹೊರತು ಆಂಡ್ರಾಯ್ಡ್ ಆಟೋ ಸ್ಕ್ರೀನ್ ಮೇಲೆ ಮೂಡುತ್ತಿಲ್ಲ
Android March 2026 Update .’ಅಡ್ವಾನ್ಸ್ಡ್ ಪ್ರೊಟೆಕ್ಷನ್ ಮೋಡ್’ ಕಾರಣವೇ ?
ತಾಂತ್ರಿಕ ವಿಶ್ಲೇಷಕರ ಪ್ರಕಾರ, ಆಂಡ್ರಾಯ್ಡ್ 16 ನಲ್ಲಿ ಪರಿಚಯಿಸಲಾದ ‘Advanced Protection Mode’ ಈ ಸಮಸ್ಯೆಗೆ ಮೂಲ ಕಾರಣವಿರಬಹುದು. ಈ ಫೀಚರ್ ಫೋನ್ ಲಾಕ್ ಆಗಿದ್ದಾಗ ಅನಧಿಕೃತ USB ಸಂಪರ್ಕಗಳನ್ನು ತಡೆಯುವ ಕೆಲಸ ಮಾಡುತ್ತದೆ. ಆದರೆ ಈ ಹೊಸ ಅಪ್ಡೇಟ್ನಲ್ಲಿನ ಒಂದು ದೋಷದಿಂದಾಗಿ, ಇದು ಬಳಕೆದಾರರ ಸ್ವಂತ ಕಾರ್ ಕನೆಕ್ಷನ್ ಅನ್ನು ಕೂಡ ‘ಅನಧಿಕೃತ’ ಎಂದು ಪರಿಗಣಿಸಿ ಬ್ಲಾಕ್ ಮಾಡುತ್ತಿದೆ.
Also Read : ಬರ್ತಿದೆ ಮೊದಲ ಸೆಲ್ಫಿ ಮಿರರ್ ಫೋನ್! ಕ್ಯಾಮೆರಾ ವೈಶಿಷ್ಟ್ಯದಿಂದಲೇ ಕುತೂಹಲ ಹೆಚ್ಚಿಸಿದೆ ರಿಯಲ್ಮಿ 16 5G ಫೋನ್
ಆಂಡ್ರಾಯ್ಡ್ ಆಟೋ ಸಮಸ್ಯೆ ಬಳಕೆದಾರರ ದೂರುಗಳೇನು ?
- ಫೋನ್ ಅನ್ಲಾಕ್ ಮಾಡಿದ ನಂತರವೂ ಪದೇ ಪದೇ ಡಿಸ್ಕನೆಕ್ಟ್ ಆಗುತ್ತಿದೆ.
- ಗೂಗಲ್ ಪಿಕ್ಸೆಲ್ 10, ಪಿಕ್ಸೆಲ್ 9 ಸರಣಿ ಮತ್ತು ಗ್ಯಾಲಕ್ಸಿ S26 ಬಳಕೆದಾರರಲ್ಲೂ ಈ ಸಮಸ್ಯೆ ಕಂಡುಬಂದಿದೆ.
- ‘Start Android Auto while locked’ ಸೆಟ್ಟಿಂಗ್ ಆನ್ ಆಗಿದ್ದರೂ ಈ ದೋಷ ಕಾಡುತ್ತಿದೆ.
Also Read : ಟೈಪ್ ಮಾಡುವ ಕಿರಿಕಿರಿ ಬಿಡಿ ! ಕನ್ನಡದಲ್ಲೇ ಮಾತನಾಡಿ ಮೀಶೋನಲ್ಲಿ ಶಾಪಿಂಗ್ ಮಾಡಿ : ಏನಿದು ‘ವಾಣಿ’ ಎಐ?
ಆಂಡ್ರಾಯ್ಡ್ ಆಟೋ ಸಮಸ್ಯೆ ಪರಿಹಾರವೇನು ?
ಗೂಗಲ್ ಈ ಸಮಸ್ಯೆಯನ್ನು ಅಧಿಕೃತವಾಗಿ ಗಮನಿಸಿದ್ದು, ಶೀಘ್ರದಲ್ಲೇ ಒಂದು ಸಣ್ಣ ಪ್ಯಾಚ್ ಅಪ್ಡೇಟ್ ಮೂಲಕ ಇದನ್ನು ಸರಿಪಡಿಸುವುದಾಗಿ ಭರವಸೆ ನೀಡಿದೆ. ಅಲ್ಲಿಯವರೆಗೆ ಬಳಕೆದಾರರಿಗೆ ಕೆಲವು ತಾತ್ಕಾಲಿಕ ಸಲಹೆಗಳು ಇಲ್ಲಿವೆ:
- Play Store ಗೆ ಹೋಗಿ ‘Android Auto’ ಆಪ್ ಅನ್ನು ಇತ್ತೀಚಿನ ಆವೃತ್ತಿಗೆ ಅಪ್ಡೇಟ್ ಮಾಡಿ.
- ನಿಮ್ಮ ಫೋನ್ ಸೆಟ್ಟಿಂಗ್ಸ್ನಲ್ಲಿ Security & Privacy > Advanced Protection ಗೆ ಹೋಗಿ ಅದನ್ನು ಒಮ್ಮೆ ಆಫ್ ಮಾಡಿ ಚೆಕ್ ಮಾಡಿ.
- ಹಳೆಯ USB ಕೇಬಲ್ ಬದಲಿಗೆ ಹೊಸದಾದ, ಉತ್ತಮ ಗುಣಮಟ್ಟದ ಕೇಬಲ್ ಬಳಸಿ ನೋಡಿ.
ಒಟ್ಟಾರೆಯಾಗಿ, ಸಾಫ್ಟ್ವೇರ್ ಅಪ್ಡೇಟ್ಗಳು ಸುರಕ್ಷತೆಯನ್ನು ಹೆಚ್ಚಿಸಿದರೂ, ಇಂತಹ ತಾಂತ್ರಿಕ ಸಮಸ್ಯೆಗಳು ಬಳಕೆದಾರರ ದೈನಂದಿನ ಪ್ರಯಾಣದಲ್ಲಿ ಕಿರಿಕಿರಿ ಉಂಟುಮಾಡುತ್ತಿವೆ. ನೀವು ಕೂಡ ಪಿಕ್ಸೆಲ್ ಫೋನ್ ಬಳಸುತ್ತಿದ್ದರೆ, ಮುಂದಿನ ಅಪ್ಡೇಟ್ ಬರುವವರೆಗೂ ಫೋನ್ ಅನ್ಲಾಕ್ ಮಾಡಿಯೇ ಆಂಡ್ರಾಯ್ಡ್ ಆಟೋ ಬಳಸಬೇಕಾಗಬಹುದು.
Google pixel users facing android auto connection issues march update
