ಕೈಯಲ್ಲೊಂದು ಪ್ರೀಮಿಯಂ ಫೋನ್ ಹಿಡಿದುಕೊಳ್ಳಬೇಕೆಂಬುದು ಇಂದಿನ ದಿನಗಳಲ್ಲಿ ಬಹುತೇಕ ಎಲ್ಲರಿಗೂ ಇರುವ ಕ್ರೇಜ್. ಅದಕ್ಕೆ ತಕ್ಕಂತೆ ಮಾರುಕಟ್ಟೆಯಲ್ಲಿ ದೊಡ್ಡ ದೊಡ್ಡ ಕಂಪನಿಗಳು ಹೊಸ ಹೊಸ ಪ್ರೀಮಿಯಂ ಫೋನ್ ಅನ್ನು ಬಿಡುಗಡೆ ಮಾಡುತ್ತಿವೆ.ನೀವೂ ಪ್ರೀಮಿಯಂ ಫೋನನ್ನೇನಾದರೂ ಕೊಳ್ಳಬೇಕೆಂದು ಕೊಂಡಿದ್ದರೆ ನಿಮಗೆ ಗುಡ್ ನ್ಯೂಸ್ ಇದೆ. ಅದೇನೆಂದರೆ ಪ್ರೀಮಿಯಂ ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ ಒಂದು ಉತ್ತಮ ಡೀಲ್ ಪಡೆದುಕೊಂಡು ನಿಮ್ಮ ಕನಸು ನನಸು ಮಾಡಲಿದೆ. ಪ್ರತಿಷ್ಠಿತ ಎರಡು ಪ್ರಮುಖ ಇ-ಕಾಮರ್ಸ್ ಪ್ಲಾಟ್ಫಾರ್ಮ್ಗಳಾದ ಅಮೆಜಾನ್ ಮತ್ತು ಫ್ಲಿಪ್ಕಾರ್ಟ್, ಸ್ಯಾಮ್ಸಂಗ್ S25 ಅಲ್ಟ್ರಾ 5G ನಲ್ಲಿ ಕೆಲವು ಉತ್ತಮ ಡೀಲ್ಗಳನ್ನು ನೀಡುತ್ತಿವೆ. ಆದರೆ ಈ ಸ್ಮಾರ್ಟ್ಪೋನ್ ಇವೆರಡಲ್ಲಿ ಯಾವುದರಲ್ಲಿ ಹೆಚ್ಚು ಅಗ್ಗವಾಗಿದೆ ಎಂದು ನೀವು ಯೋಚಿಸುತ್ತಿದ್ದರೆ ಇಲ್ಲಿದೆ ಅದಕ್ಕೆ ಉತ್ತರ.
ಅಮೆಜಾನ್ vs ಫ್ಲಿಪ್ಕಾರ್ಟ್: ಸ್ಯಾಮ್ಸಂಗ್ S25 ಅಲ್ಟ್ರಾ 5G ಯಾವುದರಲ್ಲಿ ಹೆಚ್ಚು ಅಗ್ಗ?
ಕಳೆದ ವರ್ಷ ಸ್ಯಾಮ್ಸಂಗ್ ಈ ಪ್ರೀಮಿಯಂ ಫೋನ್ ಅನ್ನು ₹1,29,999 ಆರಂಭಿಕ ಬೆಲೆಗೆ ಬಿಡುಗಡೆ ಮಾಡಿತ್ತು. ಆದರೆ ಫ್ಲಿಪ್ಕಾರ್ಟ್ ಪ್ರಸ್ತುತ ₹1,07,999 ಗೆ ಖರೀದಿಸುವ ಅವಕಾಶವನ್ನು ನೀಡುತ್ತಿದೆ. ಇದರರ್ಥ ₹22,000 ವರೆಗೆ ಫ್ಲಾಟ್ ರಿಯಾಯಿತಿ. ಹೆಚ್ಚುವರಿಯಾಗಿ, ಫ್ಲಿಪ್ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಮತ್ತು ಫ್ಲಿಪ್ಕಾರ್ಟ್ ಎಸ್ಬಿಐ ಕ್ರೆಡಿಟ್ ಕಾರ್ಡ್ಗಳನ್ನು ಬಳಸಿಕೊಂಡು ಮಾಡುವ ಖರೀದಿಗಳು ಸಹ 5% ವರೆಗೆ ಕ್ಯಾಶ್ಬ್ಯಾಕ್ ನೀಡುತ್ತಿವೆ. ಹಾಗಾಗಿ ಈ ಡೀಲ್ ಹೆಚ್ಚು ಆಕರ್ಷಕವಾಗಿದೆ.
ಮತ್ತೊಂದೆಡೆ, ಅಮೆಜಾನ್ ಈ ಫೋನ್ ಅನ್ನು ಕೇವಲ ₹1,07,250 ಗೆ ನೀಡುತ್ತಿದೆ. ಎರಡೂ ಪ್ಲಾಟ್ಫಾರ್ಮ್ಗಳಲ್ಲಿ ಫೋನ್ನ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಿಲ್ಲದಿದ್ದರೂ, ಅಮೆಜಾನ್ ಅಗ್ಗದ ಬೆಲೆಗೆ ಈ ಫೋನ್ ಅನ್ನು ನೀಡುವುದಲ್ಲದೆ ಕೆಲವು ಉತ್ತಮ ಬ್ಯಾಂಕ್ ಕೊಡುಗೆಗಳನ್ನು ಸಹ ನೀಡುತ್ತಿದೆ. HDFC ಬ್ಯಾಂಕ್ ಕ್ರೆಡಿಟ್ ಕಾರ್ಡ್ EMI ಆಯ್ಕೆಯೊಂದಿಗೆ ಫೋನ್ನಲ್ಲಿ ₹1,500 ವರೆಗೆ ತ್ವರಿತ ರಿಯಾಯಿತಿ ಲಭ್ಯವಿದೆ. IDFC FIRST ಬ್ಯಾಂಕ್ ಕ್ರೆಡಿಟ್ ಕಾರ್ಡ್ EMI ಮತ್ತು ಒನ್ಕಾರ್ಡ್ ಕ್ರೆಡಿಟ್ ಕಾರ್ಡ್ EMI ಆಯ್ಕೆಗಳೊಂದಿಗೆ ಮತ್ತೂ ₹1,000 ವರೆಗೆ ರಿಯಾಯಿತಿಗಳು ಲಭ್ಯವಿದೆ.
ಇದನ್ನೂ ಓದಿ: ಜನವರಿ 17ರಿಂದಲೇ ಗಣರಾಜ್ಯೋತ್ಸವ ಆಫರ್! ಫ್ಲಿಪ್ಕಾರ್ಟ್ನಿಂದ ಬಂಪರ್ ಕೊಡುಗೆ
ಸ್ಯಾಮ್ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾ 5G ಫೋನ್ ವೈಶಿಷ್ಟ್ಯ
- ಸ್ಯಾಮ್ಸಂಗ್ ಗ್ಯಾಲಕ್ಸಿ S25 ಅಲ್ಟ್ರಾ 5G ಫೋನ್ 6.9-ಇಂಚಿನ QHD+ ಡೈನಾಮಿಕ್ AMOLED 2X ಡಿಸ್ಲ್ಪೇ ನೀಡುತ್ತದೆ.
- ಇದು ಕ್ವಾಲ್ಕಾಮ್ನ ಶಕ್ತಿಶಾಲಿ ಸ್ನಾಪ್ಡ್ರಾಗನ್ 8 ಎಲೈಟ್ ಚಿಪ್ಸೆಟ್ನೊಂದಿಗೆ ಚಲಿಸುತ್ತದೆ.
- S25 ಅಲ್ಟ್ರಾ 12GB RAM ಮತ್ತು 256GB, 512GB ಮತ್ತು 1TB ಶೇಖರಣಾ ಆಯ್ಕೆಗಳನ್ನು ನೀಡುತ್ತದೆ.
- ಸ್ಯಾಮ್ಸಂಗ್ನ ಈ ಫೋನ್ ನಲ್ಲಿ 200MP ಪ್ರಾಥಮಿಕ ಕ್ಯಾಮೆರಾವಿದೆ. ಜೊತೆಗೆ 50MP ಅಲ್ಟ್ರಾ-ವೈಡ್ ಸಂವೇದಕವನ್ನು ಸಹ ಹೊಂದಿದೆ.
- ಇದು 5x ಆಪ್ಟಿಕಲ್ ಜೂಮ್ ಹೊಂದಿರುವ 50MP ಟೆಲಿಫೋಟೋ ಲೆನ್ಸ್ ಮತ್ತು 10MP 3x ಟೆಲಿಫೋಟೋ ಹಿಂಭಾಗದ ಸೆಟಪ್ ಅನ್ನು ಹೊಂದಿದೆ.
- ಈ ಫೋನ್ನ ಮುಂಭಾಗದಲ್ಲಿ 12MP ಸೆಲ್ಫಿ ಕ್ಯಾಮೆರಾ ಹೊಂದಿದ್ದು ಸೆಲ್ಫಿ ಮತ್ತು ವೀಡಿಯೋ ಕರೆಗಳಿಗೆ ಉತ್ತಮವಾಗಿದೆ.
- ಇನ್ನು ಇದರ ಬ್ಯಾಟರಿಯು 5,000mAh ದ್ದಾಗಿದೆ. 45W ನ ವೈರ್ಡ್ ಚಾರ್ಜಿಂಗ್ ಮತ್ತು ಫಾಸ್ಟ್ ವೈರ್ಲೆಸ್ ಚಾರ್ಜಿಂಗ್ 2.0 ಅನ್ನು ಸಹ ಇದು ಬೆಂಬಲಿಸುತ್ತದೆ.
