ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಹೊಸ ಮನೆ ಕಟ್ಟೋ ಪ್ಲಾನ್ ಹಾಕುತ್ತಿರುವವರಿಗೆ ರಾಜ್ಯ ಸರ್ಕಾರ ಗುಡ್ ನ್ಯೂಸ್ ನೀಡಿದೆ. ಸೆಟ್ಬ್ಯಾಕ್ ಅಂದರೆ ಒಂದು ಕಟ್ಟಡ ನಿರ್ಮಿಸಲು ಸುತ್ತಲೂ ಕಡ್ಡಾಯಾಗಿ ಬಿಡಬೇಕಿದ್ದ ಖಾಲಿ ಜಾಗವನ್ನು ಇನ್ಮುಂದೆ ಬಿಡಬೇಕು ಎಂಬ ಅವಶ್ಯಕತೆ ಇಲ್ಲ. ಜಾಗ ಖಾಲಿ ಬಿಡದೇ ಮನೆ ನಿರ್ಮಿಸಲು ರಾಜ್ಯ ಸರ್ಕಾರ ಹಸಿರು ನಿಶಾನೆ ತೋರಿದ್ದು ಸಿಟಿ ಮಂದಿ ಫುಲ್ ಖುಷಿ ಆಗಿದ್ದಾರೆ.
ನಗರಾಭಿವೃದ್ಧಿ ಇಲಾಖೆ ಈ ಮಹತ್ವದ ಆದೇಶವನ್ನು ಹೊರಡಿಸಿದೆ. ಅವಘಡ ಸಂಭವಿಸಿದ ಸಂದರ್ಭದಲ್ಲಿ ಕಾರ್ಯಾಚರಣೆಗೆ ಅನುಕೂಲವಾಗುವ ನಿಟ್ಟಿನಲ್ಲಿ 8 ರಿಂದ 40 ಅಡಿ ಖಾಲಿ ಜಾಗ ಬಿಡುವುದು ಕಡ್ಡಾಯವಾಗಿತ್ತು. ಆದರೆ ಇನ್ಮುಂದೆ ಇದರ ಅವಶ್ಯಕತೆ ಇಲ್ಲ ಎಂದು ಸರ್ಕಾರ ಹೇಳಿದ್ದು ಸೆಟ್ಬ್ಯಾಕ್ ಬಿಡದೇ ಸಮಸ್ಯೆ ಎದುರಿಸುತ್ತಿದ್ದ ಮನೆ ಮಾಲೀಕರು ನಿಟ್ಟುಸಿರು ಬಿಟ್ಟಿದ್ದಾರೆ.
ಇದನ್ನೂ ಓದಿ: ಮುಂದುವರಿದ ಫೆಬ್ರವರಿ 1 ರ ಸಂಪ್ರದಾಯ : ಈ ಬಾರಿ ಭಾನುವಾರದಂದು ಕೇಂದ್ರ ಬಜೆಟ್ ಮಂಡನೆ
ಈ ವಿಚಾರವಾಗಿ ಮಾತನಾಡಿದ ಜಿಬಿಎ ಚೀಫ್ ಕಮಿಷನರ್ ಮಹೇಶ್ವರ್ ರಾವ್, 600 ಚದರ ಅಡಿವರೆಗಿನ ಜಾಗದಲ್ಲಿ ಮನೆ ನಿರ್ಮಿಸಲು ಇನ್ಮುಂದೆ ಕೇವಲ 0.60 ಮೀಟರ್ನಷ್ಟು ಜಾಗ ಬಿಟ್ಟರೆ ಸಾಕು. 1500 ಚದರ ಅಡಿಯವರೆಗಿನ ಜಾಗದಲ್ಲಿ ಮನೆ ನಿರ್ಮಾಣಕ್ಕೆ 2.5 ಅಡಿಗೆ ಇಳಿಕೆ ಮಾಡಿದ್ದೇವೆ.. 40 ಸಾವಿರ ಚದರ ಅಡಿವರೆಗಿನ ಜಾಗದಲ್ಲಿ ಮನೆ ನಿರ್ಮಾಣ ಮಾಡಲು ಜಾಗದ 8% ನಷ್ಟು ಸೆಟ್ ಬ್ಯಾಕ್ ವ್ಯಾಪ್ತಿಗೆ ಇಳಿದಿದೆ. ಹೀಗಾಗಿ ಸೈಟುಗಳ ಮಾಲೀಕರು ಮನೆ ನಿರ್ಮಾಣ ಮಾಡುವಾಗ ಮೊದಲಿನಷ್ಟು ಸೆಟ್ಬ್ಯಾಕ್ ಜಾಗ ಬಿಡಬೇಕು ಎಂದೇನಿಲ್ಲ ಎಂದು ಹೇಳಿದ್ದಾರೆ .
