Australia beats India | women’s one day cricket international trophy: ಹೋಬರ್ಟ್: ಆಸ್ಟ್ರೇಲಿಯಾ ಮಹಿಳಾ ತಂಡದ ನಾಯಕಿ ಅಲಿಸ್ಸಾ ಹೀಲಿ ಅವರ ಸ್ಮರಣೀಯ ಬ್ಯಾಟಿಂಗ್ ನೆರವಿನಿಂದ ಪ್ರವಾಸಿ ಭಾರತದ ವಿರುದ್ಧ ಆಸ್ಟ್ರೇಲಿಯಾ 185 ರನ್ಗಳ ಬೃಹತ್ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ಆಸ್ಟ್ರೇಲಿಯಾ ಏಕದಿನ ಸರಣಿಯನ್ನು 3-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡಿದೆ.
ಹೀಲಿ ಸ್ಮರಣೀಯ ವಿದಾಯದ ಆಟ
ತಮ್ಮ ವೃತ್ತಿಜೀವನದ ಕೊನೆಯ ಏಕದಿನ ಪಂದ್ಯವಾಡಿದ ಅಲಿಸ್ಸಾ ಹೀಲಿ, ಭಾರತೀಯ ಬೌಲರ್ಗಳ ಮೇಲೆ ಸವಾರಿ ಮಾಡಿದರು. ಕೇವಲ 98 ಎಸೆತಗಳಲ್ಲಿ 27 ಬೌಂಡರಿ ಹಾಗೂ 2 ಸಿಕ್ಸರ್ಗಳ ನೆರವಿನಿಂದ 158 ರನ್ ಚಚ್ಚಿದರು. ಇವರಿಗೆ ಸಾಥ್ ನೀಡಿದ ಬೆತ್ ಮೂನಿ ಶತಕ ಸಿಡಿಸಿದರೆ, ಜಾರ್ಜಿಯಾ ವೋಲ್ ಅರ್ಧಶತಕದ ಕೊಡುಗೆ ನೀಡಿದರು. ಇದರಿಂದಾಗಿ ಆಸ್ಟ್ರೇಲಿಯಾ ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 409 ರನ್ಗಳ ಬೃಹತ್ ಮೊತ್ತ ಪೇರಿಸಿತು.
ಗುರಿ ಬೆನ್ನಟ್ಟುವಲ್ಲಿ ವಿಫಲವಾದ ಭಾರತ
410 ರನ್ಗಳ ಕಠಿಣ ಗುರಿ ಬೆನ್ನಟ್ಟಿದ ಭಾರತ ತಂಡ ಆರಂಭದಿಂದಲೇ ಎಡವಿತು. ಸ್ಮೃತಿ ಮಂಧಾನ (0) ಬೇಗನೆ ಔಟಾದರು. ರೋಡ್ರಿಗಸ್ (42) ಮತ್ತು ಹರ್ಮನ್ಪ್ರೀತ್ ಕೌರ್ (25) ಅಲ್ಪ ಹೋರಾಟ ತೋರಿದರೂ ತಂಡವನ್ನು ಗೆಲುವಿನ ಹತ್ತಿರ ತರಲು ಸಾಧ್ಯವಾಗಲಿಲ್ಲ. ಆಸ್ಟ್ರೇಲಿಯಾದ ಸ್ಪಿನ್ನರ್ ಅಲಾನಾ ಕಿಂಗ್ (4 ವಿಕೆಟ್) ಅವರ ಮಾರಕ ದಾಳಿಗೆ ಸಿಲುಕಿದ ಭಾರತ 224 ರನ್ಗಳಿಗೆ ಆಲೌಟ್ ಆಯಿತು.
ಇಸ್ರೇಲ್-ಇರಾನ್ ಯುದ್ಧ: ಇನ್ನಷ್ಟು ಹೆಚ್ಚುತ್ತಾ ಚಿನ್ನ, ಬೆಳ್ಳಿ ಬೆಲೆ? ಇಲ್ಲಿದೆ ಸಂಪೂರ್ಣ ವಿವರ
ಮುಖ್ಯಾಂಶಗಳು:
- ಆಸ್ಟ್ರೇಲಿಯಾ: 409/7 (50 ಓವರ್) – ಹೀಲಿ 158, ಮೂನಿ 100*.
- ಭಾರತ: 224/10 (44.5 ಓವರ್) – ಸ್ನೇಹ ರಾಣಾ 44, ರೋಡ್ರಿಗಸ್ 42; ಅಲಾನಾ ಕಿಂಗ್ 4/33.
- ಫಲಿತಾಂಶ: ಆಸ್ಟ್ರೇಲಿಯಾಕ್ಕೆ 185 ರನ್ ಜಯ ಹಾಗೂ ಸರಣಿ ಕೈವಶ.
ಪಂದ್ಯದ ಆರಂಭಕ್ಕೂ ಮುನ್ನ ಭಾರತೀಯ ಆಟಗಾರ್ತಿಯರು ಅಲಿಸ್ಸಾ ಹೀಲಿ ಅವರಿಗೆ ‘ಗಾರ್ಡ್ ಆಫ್ ಹಾನರ್’ ನೀಡುವ ಮೂಲಕ ಗೌರವ ಸಲ್ಲಿಸಿದ್ದು ವಿಶೇಷವಾಗಿತ್ತು. ಈಗ ಉಭಯ ತಂಡಗಳು ಮಾರ್ಚ್ 6 ರಿಂದ ಆರಂಭವಾಗಲಿರುವ ಏಕೈಕ ಟೆಸ್ಟ್ ಪಂದ್ಯಕ್ಕಾಗಿ ಸಜ್ಜಾಗಲಿವೆ.
