simple steps to complete Fruits FID: ಬೆಂಗಳೂರು: ಕೇಂದ್ರ ಮತ್ತು ರಾಜ್ಯ ಸರ್ಕಾರದ ವಿವಿಧ ಯೋಜನೆಗಳ ಸೌಲಭ್ಯಗಳನ್ನು ಪಡೆಯುತ್ತಿರುವ ರೈತರಿಗೆ ಸರ್ಕಾರವು ಮಹತ್ವದ ಸೂಚನೆಯೊಂದನ್ನು ನೀಡಿದೆ. ಸೌಲಭ್ಯಗಳು ನಿರಂತರವಾಗಿ ಸಿಗಬೇಕೆಂದರೆ ರೈತರು ತಮ್ಮ Central ID ರಚನೆ ಮತ್ತು e-KYC ಪ್ರಕ್ರಿಯೆಯನ್ನು ನಿಗದಿತ ಸಮಯದೊಳಗೆ ಪೂರ್ಣಗೊಳಿಸುವುದು ಈಗ ಕಡ್ಡಾಯವಾಗಿದೆ.
ಯಾವೆಲ್ಲಾ ಕ್ರಮಗಳನ್ನು ಪೂರ್ಣಗೊಳಿಸಬೇಕು?
ಆಪರೇಟರ್ ಲಾಗಿನ್ ಮೂಲಕ ರೈತರು ಈ ಕೆಳಗಿನ ನಾಲ್ಕು ಪ್ರಮುಖ ಕೆಲಸಗಳನ್ನು ಮಾಡಿಸಬೇಕೆಂದು ತಿಳಿಸಲಾಗಿದೆ:
- e-KYC ಪೂರ್ಣಗೊಳಿಸುವುದು: ನಿಮ್ಮ ಗುರುತಿನ ಚೀಟಿಯ ಆಧಾರ್ ಆಧಾರಿತ ದೃಢೀಕರಣ.
- ಮೊಬೈಲ್ ಸಂಖ್ಯೆ ನವೀಕರಣ: ಪ್ರಸ್ತುತ ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆಯನ್ನು ಲಿಂಕ್ ಮಾಡುವುದು.
- ಭೂ ಘೋಷಣೆ (Land Declaration): ನಿಮ್ಮ ಹೆಸರಿನಲ್ಲಿರುವ ಎಲ್ಲಾ ಜಮೀನು ಭಾಗಗಳನ್ನು FID (Farmer ID) ಗೆ ಕಡ್ಡಾಯವಾಗಿ ಲಿಂಕ್ ಮಾಡುವುದು.
- ಗಡುವು: ಈ ಎಲ್ಲಾ ಪ್ರಕ್ರಿಯೆಗಳನ್ನು 25 ಫೆಬ್ರವರಿ 2026ರೊಳಗೆ ಪೂರ್ಣಗೊಳಿಸಬೇಕು.
ಎಲ್ಲಿಗೆ ಭೇಟಿ ನೀಡಬೇಕು?
ರೈತರು ಈ ಕೆಲಸಗಳನ್ನು ಮಾಡಿಸಲು ಹತ್ತಿರದ ಈ ಕೆಳಗಿನ ಕೇಂದ್ರಗಳಿಗೆ ಭೇಟಿ ನೀಡಬಹುದು: - ತೋಟಗಾರಿಕೆ ಇಲಾಖೆ.
- ಗ್ರಾಮ ಒನ್ ಕೇಂದ್ರ.
- ರೈತ ಸಂಪರ್ಕ ಕೇಂದ್ರ.
- ಹತ್ತಿರದ ಸಿ.ಎಸ್.ಸಿ (CSC) ಕೇಂದ್ರಗಳು.
16 ವರ್ಷದೊಳಗಿನ ವಿದ್ಯಾರ್ಥಿಗಳಿಗೆ ಮೊಬೈಲ್ ಬ್ಯಾನ್? ಸಿಎಂ ಸಿದ್ದರಾಮಯ್ಯ ಹೊಸ ಮಾಸ್ಟರ್ ಪ್ಲಾನ್!
ಕೆವೈಸಿ ಮಾಡಿಸದಿದ್ದರೆ ಏನಾಗುತ್ತದೆ?
ಒಂದು ವೇಳೆ ನಿಗದಿತ ದಿನಾಂಕದೊಳಗೆ KYC ಪೂರ್ಣಗೊಳಿಸದಿದ್ದರೆ, PM KISAN ಸೇರಿದಂತೆ ಸರ್ಕಾರದ ಇತರ ಯಾವುದೇ ಯೋಜನೆಗಳ ಹಣ ಅಥವಾ ಸೌಲಭ್ಯಗಳನ್ನು ಪಡೆಯಲು ಸಾಧ್ಯವಾಗುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಆದ್ದರಿಂದ, ಕೊನೆಯ ದಿನಾಂಕದವರೆಗೆ ಕಾಯದೆ ತಕ್ಷಣವೇ Fruits FID KYC ಮಾಡಿಸಿಕೊಳ್ಳಲು ರೈತ ಬಾಂಧವರಲ್ಲಿ ವಿನಂತಿಸಲಾಗಿದೆ.
