ಕೃಷಿ ಉತ್ಪನ್ನಗಳ ಕಟಾವಿನ ನಂತರದ ನಷ್ಟವನ್ನು ಕಡಿಮೆ ಮಾಡಲು ಮತ್ತು ಗ್ರಾಮ ಮಟ್ಟದಲ್ಲೇ ಶೇಖರಣಾ ವ್ಯವಸ್ಥೆ ನಿರ್ಮಿಸಲು ಕೇಂದ್ರ ಸರ್ಕಾರವು ₹1 ಲಕ್ಷ ಕೋಟಿ ಮೊತ್ತದ ‘ಕೃಷಿ ಮೂಲಸೌಕರ್ಯ ನಿಧಿ’ಯನ್ನು (Agricultural Infrastructure Fund)ಜಾರಿಗೆ ತಂದಿದೆ. ಈ ಯೋಜನೆಯಡಿ ರೈತರು, ಸಹಕಾರಿ ಸಂಘಗಳು ಮತ್ತು ಕೃಷಿ ನವೋದ್ಯಮಗಳಿಗೆ ಭಾರಿ ಆರ್ಥಿಕ ನೆರವು ನೀಡಲಾಗುತ್ತಿದೆ.
Agricultural Infrastructure Fund : ಈ ಯೋಜನೆಯ ಪ್ರಮುಖ ಲಾಭಗಳು :
ಬಡ್ಡಿ ಸಹಾಯಧನ (Interest Subvention): ಪಡೆಯುವ ಸಾಲದ ಮೇಲೆ ವಾರ್ಷಿಕ ಶೇ. 3ರಷ್ಟು ಬಡ್ಡಿ ರಿಯಾಯಿತಿ ಸಿಗಲಿದೆ. ಇದು ಗರಿಷ್ಠ 7 ವರ್ಷಗಳವರೆಗೆ ಅನ್ವಯವಾಗುತ್ತದೆ.
ಸಾಲದ ಮಿತಿ: ಒಬ್ಬ ಫಲಾನುಭವಿಯು ₹2 ಕೋಟಿವರೆಗಿನ ಸಾಲಕ್ಕೆ ಈ ಬಡ್ಡಿ ರಿಯಾಯಿತಿ ಪಡೆಯಬಹುದು.
ಕ್ರೆಡಿಟ್ ಗ್ಯಾರಂಟಿ: ₹2 ಕೋಟಿವರೆಗಿನ ಸಾಲಕ್ಕೆ ಯಾವುದೇ ಶ್ಯೂರಿಟಿ (Colateral) ನೀಡುವ ಅಗತ್ಯವಿಲ್ಲ. ಇದರ ಗ್ಯಾರಂಟಿಯನ್ನು ಸರ್ಕಾರವೇ (CGTMSE ಯೋಜನೆಯಡಿ) ವಹಿಸಿಕೊಳ್ಳುತ್ತದೆ.
ಮೋರಟೋರಿಯಂ ಅವಧಿ: ಸಾಲ ಮರುಪಾವತಿ ಆರಂಭಿಸಲು 6 ತಿಂಗಳಿನಿಂದ 2 ವರ್ಷಗಳವರೆಗೆ ಕಾಲಾವಕಾಶ (Grace Period) ನೀಡಲಾಗುತ್ತದೆ.
ಯಾವೆಲ್ಲಾ ಕೆಲಸಗಳಿಗೆ ಸಾಲ ಸಿಗುತ್ತದೆ ?
- ಕೃಷಿ ಬೆಳೆಗಳ ಮೌಲ್ಯವರ್ಧನೆ ಮತ್ತು ಸಂಗ್ರಹಣೆಗೆ ಸಂಬಂಧಿಸಿದ ಕೆಲಸಗಳಿಗೆ ಸಾಲ ನೀಡಲಾಗುತ್ತದೆ:
- ದಾಸ್ತಾನು ಮಳಿಗೆ (Warehouse) ಮತ್ತು ಶೈತ್ಯಾಗಾರ (Cold Storage) ನಿರ್ಮಾಣ.
- ಪ್ಯಾಕ್ ಹೌಸ್‌ಗಳು ಮತ್ತು ವರ್ಗೀಕರಣ (Grading) ಘಟಕಗಳು.
- ಇ-ಮಾರುಕಟ್ಟೆ ವೇದಿಕೆಗಳು.
- ಕೃಷಿ ಉತ್ಪನ್ನ ಸಂಸ್ಕರಣಾ ಘಟಕಗಳು (ಉದಾ: ಹಿಟ್ಟಿನ ಗಿರಣಿ, ಎಣ್ಣೆ ತೆಗೆಯುವ ಘಟಕ).
- ಸ್ಮಾರ್ಟ್ ಕೃಷಿ ಉಪಕರಣಗಳ ಖರೀದಿ.
ಯಾರು ಅರ್ಜಿ ಸಲ್ಲಿಸಬಹುದು ?
ರೈತರು, ಎಫ್‌ಪಿಒಗಳು (Farmer Producer Organizations), ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಗಳು (PACS), ಕೃಷಿ ಉದ್ಯಮಿಗಳು ಮತ್ತು ಸ್ಟಾರ್ಟ್‌ಅಪ್‌ಗಳು ಈ ಯೋಜನೆಯ ಲಾಭ ಪಡೆಯಬಹುದು.
Agricultural Infrastructure Fund: ಅರ್ಜಿ ಸಲ್ಲಿಸುವ ವಿಧಾನ
- ನೀವು ಆನ್‌ಲೈನ್ ಮೂಲಕ ಸುಲಭವಾಗಿ ಅರ್ಜಿ ಸಲ್ಲಿಸಬಹುದು:
- ವೆಬ್‌ಸೈಟ್‌ಗೆ ಭೇಟಿ ನೀಡಿ: ಮೊದಲು ಅಧಿಕೃತ ಪೋರ್ಟಲ್‌ಗೆ ಹೋಗಿ. ಅಧಿಕೃತ ಜಾಲತಾಣ ವೀಕ್ಷಿಸಲು ಇಲ್ಲಿ ಕ್ಲಿಕ್‌ ಮಾಡಿ
- ನೋಂದಣಿ: ‘Beneficiary’ ವಿಭಾಗದಲ್ಲಿ ನಿಮ್ಮ ಹೆಸರು, ಮೊಬೈಲ್ ಸಂಖ್ಯೆ ಮತ್ತು ಆಧಾರ್ ವಿವರ ನೀಡಿ ನೋಂದಾಯಿಸಿಕೊಳ್ಳಿ.
- ಅರ್ಜಿ ಭರ್ತಿ: ಲಾಗಿನ್ ಆದ ನಂತರ, ನಿಮ್ಮ ಯೋಜನೆಯ ವಿವರ (Project Report), ಬೇಕಾಗಿರುವ ಸಾಲದ ಮೊತ್ತ ಮತ್ತು ಬ್ಯಾಂಕ್ ವಿವರಗಳನ್ನು ಭರ್ತಿ ಮಾಡಿ.
- ದಾಖಲೆಗಳ ಅಪ್‌ಲೋಡ್: ಪ್ಯಾನ್ ಕಾರ್ಡ್, ಆಧಾರ್, ಭೂ ದಾಖಲೆಗಳು ಮತ್ತು ಯೋಜನಾ ವರದಿಯನ್ನು ಅಪ್‌ಲೋಡ್ ಮಾಡಿ.
- ಬ್ಯಾಂಕ್ ಪರಿಶೀಲನೆ: ನಿಮ್ಮ ಅರ್ಜಿಯನ್ನು ಆನ್‌ಲೈನ್ ಮೂಲಕವೇ ಬ್ಯಾಂಕ್‌ಗೆ ಕಳುಹಿಸಲಾಗುತ್ತದೆ. ಬ್ಯಾಂಕ್ ಯೋಜನೆಯನ್ನು ಪರಿಶೀಲಿಸಿ ಸಾಲ ಮಂಜೂರು ಮಾಡುತ್ತದೆ.
ಇದನ್ನೂ ಓದಿ: ನ್ಯಾಶನಲ್‌ ಫಾರೆನ್ಸಿಕ್‌ ಸೈನ್ಸ್‌ ಯೂನಿವರ್ಸಿಟಿ ನೇಮಕಾತಿ ಆರಂಭ: ಜನವರಿ 18ರೊಳಗೆ ಅರ್ಜಿ ಸಲ್ಲಿಸಿ
- ಅಗತ್ಯವಿರುವ ದಾಖಲೆಗಳು:
ಆಧಾರ್ ಕಾರ್ಡ್ ಮತ್ತು ಪ್ಯಾನ್ ಕಾರ್ಡ್. - ಜಮೀನಿನ ಪಹಣಿ (RTC/Record of Rights).
- ಯೋಜನಾ ವರದಿ (Project Report).
ಬ್ಯಾಂಕ್ ಪಾಸ್‌ಬುಕ್ ಪ್ರತಿ.
ಮಧ್ಯವರ್ತಿಗಳ ಹಾವಳಿ ತಪ್ಪಿಸಿ, ರೈತರು ತಾವು ಬೆಳೆದ ಬೆಳೆಯನ್ನು ತಾವೇ ಸಂಸ್ಕರಿಸಿ ಮಾರಾಟ ಮಾಡಲು ಈ ಯೋಜನೆ ಉತ್ತಮ ವೇದಿಕೆಯಾಗಿದೆ. ಗ್ರಾಮೀಣ ಭಾಗದಲ್ಲಿ ಉದ್ಯೋಗ ಸೃಷ್ಟಿಗೂ ಇದು ಪೂರಕವಾಗಿದೆ.
