ಪಶ್ಚಿಮ ಏಷ್ಯಾದಲ್ಲಿ (ಇಸ್ರೇಲ್-ಇರಾನ್-ಅಮೆರಿಕ) ನಡೆಯುತ್ತಿರುವ ಯುದ್ಧದ ಹಿನ್ನೆಲೆಯಲ್ಲಿ ಭಾರತದಲ್ಲಿ ಇಂಧನ ಕೊರತೆಯಾಗಬಹುದು ಎಂಬ ಆತಂಕ ಸಾರ್ವಜನಿಕರಲ್ಲಿ ಮೂಡಿದೆ. ಈ ಕುರಿತು ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು (Central Government) ಸ್ಪಷ್ಟನೆ ನೀಡಿದ್ದು, ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಸಾಕಷ್ಟು (Petrol Diesel Stock in India) ಪ್ರಮಾಣದಲ್ಲಿ ಲಭ್ಯವಿದೆ ಎಂದು ಭರವಸೆ ನೀಡಿದೆ.
ಇಂಧನ ದಾಸ್ತಾನು ಸುಸ್ಥಿತಿಯಲ್ಲಿದೆ
ದೇಶದಾದ್ಯಂತ ಇರುವ ಪೆಟ್ರೋಲ್ ಬಂಕ್‌ಗಳಲ್ಲಿ ಇಂಧನ ಲಭ್ಯತೆಯ ಕೊರತೆಯಿಲ್ಲ. ಜನರು ಅನಗತ್ಯವಾಗಿ ಪೆಟ್ರೋಲ್ ಅಥವಾ ಡೀಸೆಲ್ ಅನ್ನು ಸಂಗ್ರಹಿಸಿಡುವ (Hoarding) ಅಗತ್ಯವಿಲ್ಲ ಎಂದು ಸರ್ಕಾರ ತಿಳಿಸಿದೆ. ಸುಳ್ಳು ವದಂತಿಗಳನ್ನು ನಂಬಿ ಆತಂಕಕ್ಕೊಳಗಾಗಬೇಡಿ ಎಂದು ಸಚಿವಾಲಯ ಮನವಿ ಮಾಡಿದೆ.
ಸುರಕ್ಷತಾ ಎಚ್ಚರಿಕೆ
ಇಂಧನವನ್ನು ಬಾಟಲಿಗಳು, ಕ್ಯಾನ್‌ಗಳು ಅಥವಾ ಸೂಕ್ತವಲ್ಲದ ಕಂಟೈನರ್‌ಗಳಲ್ಲಿ ಸಂಗ್ರಹಿಸುವುದು ಅಪಾಯಕಾರಿ. ತಮಿಳುನಾಡಿನಲ್ಲಿ ಪೆಟ್ರೋಲ್ ಅನ್ನು ಬಿಡಿ ಕಂಟೈನರ್‌ನಲ್ಲಿ ನೀಡುತ್ತಿದ್ದ ಒಂದು ಪೆಟ್ರೋಲ್ ಬಂಕ್ ವಿರುದ್ಧ ಈಗಾಗಲೇ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದ್ದು, ಆ ಬಂಕ್‌ನ ಪರವಾನಗಿಯನ್ನು ಅಮಾನತುಗೊಳಿಸಲಾಗಿದೆ. ನಿಯಮ ಉಲ್ಲಂಘಿಸುವ ವಿತರಕರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಸರ್ಕಾರ ಎಚ್ಚರಿಸಿದೆ.
ಆಂಡ್ರಾಯ್ಡ್ ಬಳಕೆದಾರರಿಗೆ ಕೇಂದ್ರ ಸರ್ಕಾರದ ಎಚ್ಚರಿಕೆ: ಹ್ಯಾಕಿಂಗ್ ತಡೆಯಲು ತಕ್ಷಣವೇ ಹೀಗೆ ಮಾಡಿ
ಎಲ್‌ಪಿಜಿ ಪೂರೈಕೆ ಚೇತರಿಕೆ
ಯುದ್ಧದ ಕಾರಣದಿಂದ ಸ್ಟ್ರೈಟ್ ಆಫ್ ಹಾರ್ಮುಜ್ (Strait of Hormuz) ಜಲಸಂಧಿಯಲ್ಲಿ ತೊಂದರೆಯಾಗಿದ್ದರಿಂದ ಅಡುಗೆ ಅನಿಲ (LPG) ಪೂರೈಕೆಯಲ್ಲಿ ವ್ಯತ್ಯಯವಾಗಿತ್ತು. ಆದರೆ ಈಗ ಇರಾನ್ ಅಧಿಕಾರಿಗಳು ಭಾರತದ ಎರಡು ಎಲ್‌ಪಿಜಿ ಹಡಗುಗಳಿಗೆ (‘ಶಿವಲಿಕ್’ ಮತ್ತು ‘ನಂದಾದೇವಿ’) ಚಲಿಸಲು ಅನುಮತಿ ನೀಡಿದ್ದಾರೆ. ನಂದಾದೇವಿ ಹಡಗು 46,000 ಮೆಟ್ರಿಕ್ ಟನ್ ಎಲ್‌ಪಿಜಿಯೊಂದಿಗೆ ಸುರಕ್ಷಿತವಾಗಿ ಭಾರತದತ್ತ ಸಾಗುತ್ತಿದೆ.
ಏಕರೂಪದ ಮಾರ್ಗಸೂಚಿ
ದೇಶದ ಎಲ್ಲಾ ಇಂಧನ ವಿತರಕರಿಗೆ ಸುರಕ್ಷತಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಲಾಗಿದೆ. ಸಾರ್ವಜನಿಕರು ಆತಂಕದಿಂದ ಇಂಧನವನ್ನು ಮುನ್ನೆಚ್ಚರಿಕೆ ಇಲ್ಲದೆ ಸಂಗ್ರಹಿಸುವುದರಿಂದ ಅಗ್ನಿ ಅವಘಡಗಳು ಸಂಭವಿಸುವ ಸಾಧ್ಯತೆ ಇರುತ್ತದೆ ಎಂದು ಸರ್ಕಾರ ಎಚ್ಚರಿಸಿದೆ.
[youtube https://www.youtube.com/watch?v=ApMaJ-7pro4]
