Mahindra Bolero Vision S: ದೇಶೀಯ ವಾಹನ ತಯಾರಕ ಕಂಪನಿ ಮಹೀಂದ್ರಾ ಎಸ್‌ಯುವಿ ಪ್ರಿಯರಿಗೆ ದೊಡ್ಡ ಅಚ್ಚರಿಯನ್ನು ನೀಡಿದೆ. ಅದೇನೆಂದರೆ ಮಹೀಂದ್ರ ಎಸ್‌ಯುವಿ ಪರಿಕಲ್ಪನೆಯ 4 ಹೊಸ ಮಾದರಿಗಳನ್ನು ಅನಾವರಣಗೊಳಿಸಿದೆ.
ಇದರೊಂದಿಗೆ ಮಹೀಂದ್ರದಲ್ಲಿ ನಾಲ್ಕು ಹೊಸ ಕಾನ್ಸೆಪ್ಟ್‌ ಮಾದರಿಗಳಾದ ವಿಷನ್‌ S ಜೊತೆಗೆ ವಿಷನ್‌ X, ವಿಷನ್‌ T ಹಾಗೂ ವಿಷನ್‌ SXT ಸೇರಿಕೊಂಡಿದೆ. ಈ 4 ಎಸ್‌ಯುವಿಗಳು NU.IQ ಎಂಬ ಹೊಸ ಪ್ಲಾಟ್ಫಾರ್ಮ್ ಅನ್ನು ಆಧರಿಸಿವೆ.
ಈಗ ಪರಿಚಯಿಸಿದ 4 ಮಾದರಿಗಳಲ್ಲಿ ವಿಷನ್‌ X ಕಾರು ಮೇಲ್ನೋಟಕ್ಕೆ XUV ಕುಟುಂಬಕ್ಕೆ ಹಾಗೂ ವಿಷನ್‌ S ಸ್ಕಾರ್ಪಿಯೋ ಕುಟುಂಬಕ್ಕೆ ಸೇರಿದೆಂತೆ ಕಾಣಿಸುತ್ತಿದೆ. ಆದರೆ ಇದು ನೆಕ್ಸ್ಟ್ ಜನರೇಷನ್‌ ಬೊಲೆರೋ ಆಗಿರುವ ಸಾಧ್ಯತೆಯಿದೆ.
ಮಹೀಂದ್ರಾ ವಿಷನ್‌ S ವೈಶಿಷ್ಟ್ಯಗಳು
ಮಹೀಂದ್ರಾ ಸ್ವಾತಂತ್ರ್ಯ ದಿನದಂದು ಹೊಸ ಕಾನ್ಸೆಪ್ಟ್‌ನ 4 ಎಸ್‌ಯುವಿಗಳನ್ನು ಪರಿಚಯಿಸಿದೆ. ಈ ಪರಿಕಲ್ಪನೆಯಲ್ಲಿ ಮಹೀಂದ್ರಾ ವಿಷನ್‌ ಎಸ್‌ ಬಾಕ್ಸಿ ಸಿಲೂಯೆಟ್ ಮತ್ತು ಅತ್ಯಂತ ನೇರ ರೇಖೆಗಳ ವಿನ್ಯಾಸವನ್ನು ಹೊಂದಿದೆ.
ಆಧುನಿಕ ಸ್ಪರ್ಶ ನೀಡಿರುವುದು ಎದ್ದು ಕಾಣುತ್ತದೆ. ಇದರ ಮುಂಭಾಗವು ಟ್ವಿನ್ ಪೀಕ್ಸ್ ಲೋಗೋ ಮತ್ತು L-ಆಕಾರದ ಹೆಡ್‌ಲ್ಯಾಂಪ್ ವಿನ್ಯಾಸದೊಂದಿಗೆ ಲಂಬವಾಗಿ LED ದೀಪಗಳನ್ನು ಜೋಡಿಸಲಾಗಿದೆ.
ರಾಡಾರ್ ಘಟಕ ಮತ್ತು ಪಾರ್ಕಿಂಗ್ ಸಂವೇದಕಗಳನ್ನು ಅದರ ಬಂಪರ್‌ನಲ್ಲಿ ಕಾಣಬಹುದು. ಬಾನೆಟ್‌ನಲ್ಲಿ ಲಿಂಬ್ ರೈಸರ್‌ಗಳು ಮತ್ತು ಆಫ್-ರೋಡಿಂಗ್‌ಗಾಗಿ ದೀಪಗಳನ್ನು ಜೋಡಿಸಲಾಗಿದೆ.
ಇದನ್ನೂ ಓದಿ: ನಿಮ್ಮ ಕಾರನ್ನು ಪದೇ ಪದೆ ವಾಶ್‌ ಮಾಡ್ತೀರಾ…? ಪಳಪಳ ಹೊಳೆಯುವ ಪೇಂಟ್‌ ಹೋದೀತು ಎಚ್ಚರ!
ಕಾರಿನ ಬಾಗಿಲುಗಳ ಕೆಳಗೆ ಮತ್ತು ಚಕ್ರದ ಕಮಾನುಗಳ ಮೇಲೆ ದಪ್ಪ ಕ್ಲಾಡಿಂಗ್ ಅನ್ನು ಒದಗಿಸಲಾಗಿದೆ. ನಕ್ಷತ್ರಾಕಾರದ ಮಿಶ್ರಲೋಹದ ಚಕ್ರಗಳನ್ನು 19-ಇಂಚಿನ ಟೈರ್‌ಗಳು ಸುತ್ತುವರೆದಿದೆ.
ಕೆಂಪು ಬ್ರೇಕ್ ಕ್ಯಾಲಿಪರ್‌ಗಳು ಮತ್ತು ಡಿಸ್ಕ್ ಬ್ರೇಕ್‌ಗಳು ಹಿಂಭಾಗದಲ್ಲಿ ಕಂಡುಬರುತ್ತವೆ. ಇದು ಕರ್ಬ್ ಬದಿಯಲ್ಲಿ ರೂಫ್ ಏಣಿ, ಬಲಭಾಗದಲ್ಲಿ ಜೆರ್ರಿ ಕ್ಯಾನ್, ಕ್ಯಾಮೆರಾ ಆಧಾರಿತ ORVM ಗಳು, ಸೈಡ್ ಸ್ಟೆಪ್‌ಗಳು ಮತ್ತು ಫ್ಲಶ್-ಫಿಟ್ಟಿಂಗ್ ಡೋರ್ ಹ್ಯಾಂಡಲ್‌ಗಳನ್ನು ಇದರಲ್ಲಿ ಕಾಣಬಹುದಾಗಿದೆ.
ಮುಂಭಾಗದ ವಿನ್ಯಾಸದಂತೆ ಹಿಂಭಾಗದ ವಿನ್ಯಾಸವನ್ನು ಸಹ ಆಕರ್ಷಕವಾಗಿ ಜೋಡಿಸಲಾಗಿದೆ. ತಲೆಕೆಳಗಾದ L-ಆಕಾರದ ಟೈಲ್-ಲೈಟ್‌ಗಳನ್ನು ಹೊಂದಿದೆ. ಅದರ ಕೆಳಗಿನ ಬಂಪರ್‌ನಲ್ಲಿ ನಾಲ್ಕು ಪಿಕ್ಸೆಲ್ ಲೈಟ್‌ಗಳನ್ನು ಅಳವಡಿಸಲಾಗಿದೆ. ಈ ವಿನ್ಯಾಸದ ಕೆಲವು ಅಂಶಗಳನ್ನು ಹೊಸ ಬೊಲೆರೋದಲ್ಲಿಯೂ ಕಾಣಬಹುದು ಎಂದು ನಿರೀಕ್ಷಿಸಲಾಗಿದೆ.
ಇದನ್ನೂ ಓದಿ: ಟಾಟಾ ಕರ್ವ್ ದಾಖಲೆಯ ಮಾರಾಟ : ಏನಿದರ ವಿಶೇಷತೆ ? ಬೆಲೆ ಎಷ್ಟು ಗೊತ್ತಾ ?
NU.IQ ಪ್ಲಾಟ್ಫಾರ್ಮ್ ಎಂದರೇನು?
NU.IQ ಪ್ಲಾಟ್ಫಾರ್ಮ್ ಅಂದರೆ ಮಹೀಂದ್ರಾದ ಹೊಸ ಜನರೇಷನ್‌ ಕಾರುಗಳಲ್ಲಿ ಕಾಣಬಹುದಾದ ಒಂದು ಪ್ರಮುಖ ಬದಲಾವಣೆ ಎನ್ನಲಾಗುತ್ತಿದೆ. ಇದರ ವಿಶೇಷತೆಯೆಂದರೆ ಇದು ಪೆಟ್ರೋಲ್, ಡೀಸೆಲ್, ಹೈಬ್ರಿಡ್ ಮತ್ತು ಎಲೆಕ್ಟ್ರಿಕ್‌ನಂತಹ ಎಲ್ಲಾ ರೀತಿಯ ಪವರ್‌ಟ್ರೇನ್‌ಗಳನ್ನು ಬೆಂಬಲಿಸುತ್ತದೆ.
ಇದಲ್ಲದೆ, ಫ್ರಂಟ್-ವೀಲ್ ಡ್ರೈವ್, ಆಲ್-ವೀಲ್ ಡ್ರೈವ್, ಎಡಗೈ ಮತ್ತು ಬಲಗೈ ಡ್ರೈವ್‌ನಂತಹ ಎಲ್ಲಾ ರೀತಿಯ ಡ್ರೈವ್ ಲೇಔಟ್‌ಗಳನ್ನು ಸಹ ಇದರಲ್ಲಿ ಒದಗಿಸಬಹುದು.
(Next generation bolero Mahindra Vision S unveiled know its features)
