ಮೇ ತಿಂಗಳಲ್ಲಿ ಗ್ರಾಹಕರಿಗೆ ಭರ್ಜರಿ ಆಫರ್
ಭಾರತದ ಪ್ರಮುಖ ಕಾರು ತಯಾರಕ ಮಾರುತಿ ಸುಜುಕಿ ಮೇ 2026 ತಿಂಗಳಿಗೆ ತನ್ನ ಹಲವು ಜನಪ್ರಿಯ ಕಾರುಗಳ ಮೇಲೆ ದೊಡ್ಡ ಮಟ್ಟದ ರಿಯಾಯಿತಿ ಘೋಷಿಸಿದೆ. SUV ಮತ್ತು ಪ್ರೀಮಿಯಂ ಸೆಗ್ಮೆಂಟ್ ಕಾರುಗಳ ಖರೀದಿಗೆ ಇದು ಉತ್ತಮ ಅವಕಾಶ ಎಂದು ವಾಹನ ಮಾರುಕಟ್ಟೆ ತಜ್ಞರು ಹೇಳುತ್ತಿದ್ದಾರೆ.
ಈ ವಿಶೇಷ ಆಫರ್‌ಗಳಲ್ಲಿ ಗ್ರಾಹಕ ರಿಯಾಯಿತಿ, ಎಕ್ಸ್‌ಚೇಂಜ್ ಬೋನಸ್, ಸ್ಕ್ರಾಪೇಜ್ ಬೋನಸ್ ಮತ್ತು ಕಾರ್ಪೊರೇಟ್ ಡಿಸ್ಕೌಂಟ್ ಸೇರಿವೆ. ಆದರೆ ನಗರ ಮತ್ತು ಡೀಲರ್ ಪ್ರಕಾರ ಆಫರ್ ಬದಲಾಗುವ ಸಾಧ್ಯತೆ ಇದೆ.
ಮಾರುತಿ ಸುಜುಕಿ ಇನ್‌ವಿಕ್ಟೊಗೆ ಭಾರೀ ರಿಯಾಯಿತಿ
ಮಾರುತಿ ಸುಜುಕಿ ಇನ್‌ವಿಕ್ಟೊ ಕಾರಿನ ಮೇಲೆ ಈ ತಿಂಗಳು ಗರಿಷ್ಠ ₹2.15 ಲಕ್ಷದವರೆಗೆ ಡಿಸ್ಕೌಂಟ್ ನೀಡಲಾಗುತ್ತಿದೆ. ಈ ಪ್ರೀಮಿಯಂ MPV ಕಾರು ₹24.97 ಲಕ್ಷದಿಂದ ₹28.60 ಲಕ್ಷದವರೆಗೆ ಎಕ್ಸ್‌ಶೋರೂಂ ದರ ಹೊಂದಿದೆ.
ಟೊಯೋಟಾ ಇನ್ನೋವಾ ಹೈಕ್ರಾಸ್ ಮಾದರಿಯ ಆಧಾರದ ಮೇಲೆ ನಿರ್ಮಾಣವಾಗಿರುವ ಈ ಕಾರಿನಲ್ಲಿ 2.0 ಲೀಟರ್ ಹೈಬ್ರಿಡ್ ಎಂಜಿನ್ ನೀಡಲಾಗಿದೆ.
ಗ್ರ್ಯಾಂಡ್ ವಿಟಾರಾ ಮೇಲೆ ಹೆಚ್ಚುವರಿ ಪ್ರಯೋಜನ
ಗ್ರ್ಯಾಂಡ್ ವಿಟಾರಾ ಹೈಬ್ರಿಡ್ ಮಾದರಿಯ ಖರೀದಿಗೆ ಸುಮಾರು ₹1.85 ಲಕ್ಷದವರೆಗೆ ರಸ್ತೆ ತೆರಿಗೆ ವಿನಾಯಿತಿ ಸಿಗುತ್ತಿದೆ. ಇದರ ಜೊತೆಗೆ ₹90,000ವರೆಗೆ ಹೆಚ್ಚುವರಿ ಆಫರ್ ಮತ್ತು 5 ವರ್ಷದ ಉಚಿತ ಎಕ್ಸ್‌ಟೆಂಡೆಡ್ ವಾರಂಟಿಯೂ ಲಭ್ಯ.
ಈ SUV ಕಾರಿನ ಎಕ್ಸ್‌ಶೋರೂಂ ಬೆಲೆ ₹10.76 ಲಕ್ಷದಿಂದ ₹19.72 ಲಕ್ಷದವರೆಗೆ ಇದೆ.
ಬ್ರೆಜ್ಜಾ ಮತ್ತು ವಿಕ್ಟೋರಿಸ್ ಮೇಲೂ ಆಕರ್ಷಕ ಆಫರ್
ಮಾರುತಿ ಬ್ರೆಜ್ಜಾ SUV ಮೇಲೆ ₹55,000ವರೆಗೆ ಡಿಸ್ಕೌಂಟ್ ಘೋಷಿಸಲಾಗಿದೆ. 1.5 ಲೀಟರ್ ಪೆಟ್ರೋಲ್ ಎಂಜಿನ್ ಜೊತೆಗೆ CNG ಆಯ್ಕೆಯೂ ಈ ಕಾರಿನಲ್ಲಿ ಲಭ್ಯವಿದೆ.
ಇನ್ನೊಂದೆಡೆ ವಿಕ್ಟೋರಿಸ್ ಮಿಡ್ ಸೈಜ್ SUV ಮೇಲೆ ₹70,000ವರೆಗೆ ರಿಯಾಯಿತಿ ನೀಡಲಾಗಿದೆ. ಕಂಪನಿ ಮಾಹಿತಿ ಪ್ರಕಾರ ಇದರ ಹೈಬ್ರಿಡ್ ಮಾದರಿ 28.65 kmplವರೆಗೆ ಮೈಲೇಜ್ ನೀಡುತ್ತದೆ.
ಖರೀದಿಸುವ ಮೊದಲು ಏನು ಗಮನಿಸಬೇಕು?
ಈ ಎಲ್ಲಾ ಆಫರ್‌ಗಳು ಸ್ಟಾಕ್ ಲಭ್ಯತೆ ಮತ್ತು ಸ್ಥಳೀಯ ಡೀಲರ್ ಆಧಾರದ ಮೇಲೆ ಬದಲಾಗಬಹುದು. ಹೀಗಾಗಿ ಕಾರು ಖರೀದಿಸುವ ಮೊದಲು ಸಮೀಪದ ಮಾರೂತಿ ಡೀಲರ್ ಬಳಿ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳುವುದು ಉತ್ತಮ.
ಹಳೆಯ ಕಾರು ಎಕ್ಸ್‌ಚೇಂಜ್ ಮಾಡುವವರಿಗೆ ಹೆಚ್ಚುವರಿ ಪ್ರಯೋಜನ ಸಿಗುವ ಸಾಧ್ಯತೆ ಕೂಡ ಇದೆ.
