ಬೇಸಿಗೆಯ ತಾಪಮಾನ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿರುವ ಕಾರಣ ಬಹುತೇಕ ವಾಹನ ಸವಾರರು ಕಾರಿನ ಎಸಿ ಇಲ್ಲದೆ ಪ್ರಯಾಣಿಸುವುದನ್ನೇ ಕಲ್ಪಿಸಿಕೊಳ್ಳಲು ಸಾಧ್ಯವಾಗದ ಪರಿಸ್ಥಿತಿ ನಿರ್ಮಾಣವಾಗಿದೆ. ಆದರೆ ಎಸಿ ಬಳಕೆ ಮಾಡಿದಾಗ ಪೆಟ್ರೋಲ್ ಎಷ್ಟು ಹೆಚ್ಚಾಗಿ ಖರ್ಚಾಗುತ್ತದೆ ಎಂಬುದರ ಬಗ್ಗೆ ಹಲವರಿಗೆ ಸ್ಪಷ್ಟ ಮಾಹಿತಿ ಇರುವುದಿಲ್ಲ.
ತಾಂತ್ರಿಕ ತಜ್ಞರ ಪ್ರಕಾರ, ಕಾರಿನ ಎಸಿ ಬಳಕೆಯಿಂದ ಆಗುವ ಇಂಧನ ವ್ಯಯವು ಮುಖ್ಯವಾಗಿ ಎಂಜಿನ್ ಸಾಮರ್ಥ್ಯದ ಮೇಲೆ ಅವಲಂಬಿತವಾಗಿರುತ್ತದೆ. 1.2 ಲೀಟರ್ದಿಂದ 1.5 ಲೀಟರ್ ಎಂಜಿನ್ ಹೊಂದಿರುವ ಸಣ್ಣ ಕಾರುಗಳಲ್ಲಿ ಒಂದು ಗಂಟೆ ಎಸಿ ಬಳಸಿದರೆ ಸುಮಾರು 0.2 ರಿಂದ 0.4 ಲೀಟರ್ ಪೆಟ್ರೋಲ್ ಹೆಚ್ಚುವರಿಯಾಗಿ ಖರ್ಚಾಗಬಹುದು.
ಇದೇ ವೇಳೆ 2.0 ಲೀಟರ್ ಅಥವಾ ಅದಕ್ಕಿಂತ ಹೆಚ್ಚಿನ ಎಂಜಿನ್ ಸಾಮರ್ಥ್ಯ ಇರುವ ದೊಡ್ಡ ಕಾರುಗಳಲ್ಲಿ ಎಸಿ ಬಳಕೆಗೆ ಗಂಟೆಗೆ 0.5 ರಿಂದ 0.7 ಲೀಟರ್ವರೆಗೆ ಇಂಧನ ವ್ಯಯವಾಗುವ ಸಾಧ್ಯತೆ ಇದೆ ಎಂದು ತಜ್ಞರು ತಿಳಿಸಿದ್ದಾರೆ. ಎಸಿ ಹೆಚ್ಚು ತಂಪಾದ ಮಟ್ಟದಲ್ಲಿ ಓಡಿಸಿದಷ್ಟು ಕಂಪ್ರೆಸರ್ ಮೇಲೆ ಒತ್ತಡ ಹೆಚ್ಚಾಗಿ ಪೆಟ್ರೋಲ್ ಬಳಕೆ ಕೂಡ ಹೆಚ್ಚಾಗುತ್ತದೆ.
ಕಾರು ನಿಲ್ಲಿಸಿ ಎಸಿ ಬಳಸುವ ಅಭ್ಯಾಸವೂ ಇಂಧನ ವ್ಯಯ ಹೆಚ್ಚಿಸುವ ಪ್ರಮುಖ ಕಾರಣವಾಗಿದೆ. ಪ್ರಯಾಣಿಸುತ್ತಿರುವ ಕಾರಿನಿಗಿಂತ ಒಂದೇ ಜಾಗದಲ್ಲಿ ನಿಲ್ಲಿಸಿ ಎಸಿ ಓಡಿಸಿದಾಗ ಹೆಚ್ಚು ಪೆಟ್ರೋಲ್ ಖಾಲಿಯಾಗುತ್ತದೆ. ಟ್ರಾಫಿಕ್ ಜಾಮ್ನಲ್ಲಿ ನಿಧಾನಗತಿಯ ಸಂಚಾರ ಕೂಡ ಮೈಲೇಜ್ ಮೇಲೆ ಪರಿಣಾಮ ಬೀರುತ್ತದೆ.
ಹಳೆಯ ಕಾರುಗಳು ಅಥವಾ ಸರಿಯಾದ ಸರ್ವಿಸ್ ಮಾಡಿಸದ ಎಸಿ ವ್ಯವಸ್ಥೆಯಿರುವ ವಾಹನಗಳಲ್ಲಿ ಇಂಧನ ಬಳಕೆ ಇನ್ನಷ್ಟು ಹೆಚ್ಚಾಗಬಹುದು. ಹೀಗಾಗಿ ಸಮಯಕ್ಕೆ ಸರಿಯಾಗಿ ವಾಹನ ಸರ್ವಿಸ್ ಮಾಡಿಸುವುದು ಮುಖ್ಯ ಎಂದು ತಜ್ಞರು ಸಲಹೆ ನೀಡಿದ್ದಾರೆ.
ಪೆಟ್ರೋಲ್ ಉಳಿಸಿಕೊಳ್ಳಲು ಕೆಲವು ಸರಳ ವಿಧಾನಗಳನ್ನು ಅನುಸರಿಸಬಹುದು. ಕಾರನ್ನು ನೆರಳಿನ ಪ್ರದೇಶದಲ್ಲಿ ಪಾರ್ಕ್ ಮಾಡಿದರೆ ಒಳಗಿನ ತಾಪಮಾನ ಕಡಿಮೆ ಇರುತ್ತದೆ. ಪ್ರಯಾಣ ಆರಂಭಿಸುವ ಮೊದಲು ಕೆಲ ನಿಮಿಷ ಕಿಟಕಿಗಳನ್ನು ತೆರೆಯುವುದರಿಂದ ಬಿಸಿ ಗಾಳಿ ಹೊರ ಹೋಗಿ ಎಸಿ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ. ಟೈರ್ ಗಾಳಿಯ ಒತ್ತಡ ಸರಿಯಾಗಿ ಇರುವುದು ಕೂಡ ಇಂಧನ ಉಳಿತಾಯಕ್ಕೆ ಸಹಕಾರಿ.
ಅಗತ್ಯವಿಲ್ಲದೆ ಕಾರು ನಿಲ್ಲಿಸಿ ಎಸಿ ಬಳಸುವುದನ್ನು ತಪ್ಪಿಸಿದರೆ ನಿಮ್ಮ ಜೇಬಿಗೂ, ವಾಹನದ ಆರೋಗ್ಯಕ್ಕೂ ಒಳ್ಳೆಯದು ಎಂದು ವಾಹನ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
